「人哋都未講完，再加單手十五、二十圍枚！」都唔得突出啫！「都話未講完，玩法係一鋪包剪個包，輸多過兩人以上就玩十五、二十，再輸剩兩個人以上就再轉玩包剪個包，餘此類推。」嘩！聽見都覺得煩，玩就真係唔好搞我。「吓，仲想捉埋你同我班姊妹一齊玩㖭！」咦！有姊妹就唔同，不過，玩之前介紹埋個場先，你去留定個中間位畀我。
呢個場，喺得棉登徑，一定有番咁上下級數，環境一定夠晒 Feel，而且 Weekend仲會有 DJ打碟搞吓氣氛，一流 Clubbing場，所以唔少 Whyling呢啲靚女嚟玩。酒水方面，特別一提，前 Soso嘅 Bartender Benny駐場調酒。 Benny哥嘅 Cocktail唔講得笑，參加過全國性比賽得過季軍，家唔少酒吧都有佢嘅徒弟。點解我要提 Benny？因為呢度嘅任飲係包任何 Cocktail，無乜邊間酒吧飲到 o架！任飲價，星期一、二、四，男士$280、女士$100；星期三係 Ladies Night，男士$280；星期五、六，男$280、女$150，試到有水準 Cocktail喎，點算貴！
■最新嘅 Online鏢機點少得。
■發光大吧頭，夠晒格調。
■ Gramber- Sake-Matini
■全場仲有 Laser射燈，梗好 Feel啦！
（地址：尖沙嘴棉登徑 1-3號 2樓）
