Big 4爭隻腳之一：科蘭踢爭氣波 Cycle

今年話咁快就踢完世界盃，又話咁快英超又開鑼，要數注目嘅一定係曼聯、車路士、曼城、同阿仙奴，好似曼城為例，今年招兵買馬，單睇牌面又真係掃晒。不過，波係圓嘅，點都要踢過至知。唔知大家心目中有乜好人腳，想加入自己心愛嘅球隊呢？今次就問吓「 Cycle」嘅阿 Kar先啦，「我最鍾意就梗係曼聯，買人我一定揀科蘭，你知啦，科蘭今時唔同往日，而且咁嘅年紀又唔會貴得去邊，最緊要係佢一定踢爭氣波，點都好過 Hea碧啩。」好一句好過 Hea碧，我諗一定有大把曼聯 Fans支持你呢句。


■門口大大個字，唔好去錯樓層。

講完足球，就梗係介紹番間酒吧啦。我最鍾意佢電視裝喺條柱入面嘅設計，夠格調又慳位；而且有個靚仔大吧頭，一個人嚟都唔會悶。唱 K嘅話，呢度新歌又夠多。最值得推介嘅係 Cocktail，好似靚仔 Bartender阿揚特別調校嘅「三色天堂」咁，一杯酒分出三種口味，呢點先叫功夫 o架。其他酒水價， Happy hour啤酒$108， Normal就$198；大酒$780，買三送一。
任飲又得，星期日男$200、女$100；星期一、二、四男$200、女$150；星期三、五都係 Ladies Night，男士收費分別係$280同$300；星期六男$280、女$200。一星期有兩個女士之夜，一定多女撐場啦，想抄牌就要知碇啦！






■三色天堂$58。




■咁靚仔嘅吧頭，好少有。




■酒吧裝修夠格調，酒客都自然質素高啲啦。


（地址：尖沙嘴漆咸道南 53-55號嘉芙中心 8樓）