英超冧把溫之一：曼城兵多強悍 Passion

英超正式開波，大家嘅愛隊有無打開勝利之門呢？未贏？唔使怕，仲有大把時間追，不如就問下今日嘅靚女邊隊係英超冠軍啦，今次搵嚟「 Passion」靚女 Miki講心水，「睇人腳就一定係曼城啦，之前車仔都係咁，一加碼買人就贏到冠軍，今年曼城有樣學樣，仲一隊波分三隊踢都得。加上主要對手曼聯無乜新血，車仔又老化，利物浦一睇就知唔齊心，唯一有威脅應該係阿仙奴，不過佢到咁上下就會自然失分，可以不理！」咁又係，曼城人腳的確強，中場一攻一守大衞施華、耶耶托尼可能係今年英超最佳中場組合都未定。

講完冠軍誰屬，就梗係介紹下靚女 Miki嘅主場「 Passion」，呢間上樓吧集合 Clubbing、 Disco、 BBQ三種 Good Feel。先講 Clubbing，地方環境好氣氛，又有大把靚女拳手同你猜枚飲天光。 Disco Feel就係每逢 Weekend、 Ladies' Night都會有駐場 DJ打碟，勁歌熱舞夠晒 High。另外仲有露天 BBQ位置，一間吧有三種 Feel一定要試吓。酒水方面，星期四則設為女士之夜，女士免費任飲，男士$300任飲， Happy Hour啤酒$120一 Set， Normal$198，大酒一支$780，價錢夠均真，玩得開心！