講環境，呢度係尖沙嘴區數一數二嘅大場，唔使上樓玩同人膊頭撞膊頭，講設備，大堂 K有「咪 Stand」又有大投射，試諗吓有百幾人聽你唱歌，機會幾難得，過足癮啦！之但係自問歌喉麻麻，唔想獻醜，又得，另一邊有另一部大投射，播波、播馬、播 MV，總之星期一至日都有好節目；再唔係又可以掟吓鏢，有成八部鏢機，自己練習又得，搵人比賽又得！
酒水方面， Happy Hour一 Set啤酒$128， Normal$198；大酒 680，買三送一。任飲男$250、女$180， Weekend男$280、女$200，抵唔抵飲就視乎個人酒量而定。唔想齋飲，可以約埋一大班朋友嚟 BBQ都得，男女一至日都係$330，包飲包食，無得彈！
講完飲飲食食，又係時候問吓 Bartender葡萄適 Alert溝乜好，「簡簡單單溝 Chill最好飲。」溝啤酒都得？咁溝喜力得唔得？「無話唔得嘅，不過溝 Chill味淡，有酒味又有葡萄適 Alert味；溝喜力味，太濃反而無咁好飲，唔信你各嗌一 Set試吓嘞！」又幾識做生意噃。
■今晚一於試溝啤酒，睇吓有幾好飲啦！
■唱 K好有登台 Feel。
■尖嘴大場，包你坐得舒服！
■ BBQ一個價錢任食，抵！
（地址：尖沙嘴寶勒巷 3號萬事昌廣場 5樓）
