酒吧潮飲葡萄適 Alert之五： Tequila Pop激改版 AT

早排約開舊朋友去灣仔食飯，食飽飽當然要飲番兩杯吹吓陳年往事啦！大家問我有乜好介紹，我就梗係反問番佢哋想要咩環境先啦，徇眾要求下，大家都係想搵間要夠大，枱同枱之間唔好太近，最好就有歌聽，有 K唱或者有波睇，仲有鏢機嘅場。要求都好普通啫，不過，灣仔區大場又真係唔多，地舖夠大嘅通常都係鬼佬吧，上樓吧要夠大就好少，但正係少先易諗到，咪就係「 AT」囉。嚟過玩嘅朋友都知佢環境舒服係一大賣點，仲要有不少分店，一定信得過，所以酒水夠均真， Happy Hour啤酒一 Set$120， Normal就$195；大酒$750，買三送一，咁嘅環境，價錢唔算貴。

介紹得朋友嚟呢度，仲有一個原因，就係同 Bartender都講得兩句，次次嚟佢都會有新 Cocktail推介，好嘢當然要同朋友分享啦！行近大吧頭 Bartender即刻知我想點咁，「你嚟得啱啦，又有好嘢想搵你試飲！」今次橙色定綠色呀？「乜色都冇，淨係得葡萄適！」又係葡萄適？「係呀，今次用葡萄適 Alert溝 Tequila，包你飲完極速提神！」 Tequila飲完提神我就未試過，不過，咁溝法又幾特別，有少少似 Tequila Pop，但就掯好多。有人話 3 Pop就會醉，我睇 2 Pop都醉咯。