又嚟哈囉喂之六：姊妹鬼火咁靚 Aqua

唔好講笑，聽日放假，今晚仲唔奉旨玩到癲？蛛蜘精定科學怪人？白骨精定狼人？諗定乜造型蒲吧未？乜造型都好，最緊要間酒吧好玩夠氣氛，「 Aqua」負責人正哥話：「禮拜六晚保證熱鬧，肯定多靚女。」拳手 Shirly賣花讚花香：「我已經叫晒成班姊妹準時撐場，個個都鬼火咁靚，真係落?識個 Friend都抵呀！」一唱一和何其合拍，老實?，今晚有乜玩先？橋唔怕舊最緊要受，都係化裝舞會啦，畀個貼士大家，正哥自命千杯不醉半點紅，但衰手枚極差，拳腳兵器隊到佢貓貓?，分分鐘追酒飲，請你飲啤酒轉頭，呢個 Friend要識呀！





■鬼仔有恐怖亦有 Cutie，影張合照擺上 Facebook就夠型啦！


價錢方面，無話大時大節就加價，依然維持歡樂時光每桶啤酒$128，正價$188，大酒每支$688，三支$1,800。飲得起的話， Join任飲啦，間場出酒你出命，禮拜日至四男$250，女$200，禮拜五同六男$280，女$220，明碼實價飲飽拍?籮柚走得。強力推介拳手 Shirly，猜得飲得又玩得，佢好自負話：「我最叻玩鬥地主，得閒較量?，盤口大一大都玩得起呀！」覺得佢寸嘴？我都覺，落場挑──戰佢啦喂！





■環境藍藍?，幾有 Feel o架。




■無骷髏頭點夠氣氛先！


（地址：尖沙嘴亞士厘道 27號 5樓）