又嚟哈囉喂之七：大把性感蜘蛛精 Wish

終於等到正日喇，今晚全城 Helloween，?正牌飲到嘔，我已經準備好扮吸血殭屍，準時殺落「 Wish」，點解？因為呢間場今晚大搞化裝舞會，屆時肯定有大把性感蜘蛛精、白骨精蒲頭，如果個個女仔都無懼寒流襲港，依舊短裙熱褲出場就發達咯，真係抄牌都抄到手軟。臨時臨急 Walk-in入場無準備？無有怕，有駐場化妝師 Serve你，化到你爛面成口血都仲得呀！呢?咪係氣氛囉。

■門口招牌都好搶眼?。

熟客 Sarah講到明今晚會拉隊蒲頭：「我大把女仔 Friend鍾意呢間場，平時周三多數?呢度打躉。」鬼咩，逢周三 Ladies' Night，我係女都亮相啦，唔使錢有酒飲喎，女仔始終有?數！報埋酒水，歡樂時光每桶啤酒$128，正價畀多七條草，大酒每支$780，三支$1,800，大路老尖價無詐型。劈劈?酒見肚餓，得，唔使捱無味叮叮小食，周日至四加$70、周五六加$50，即可任食 BBQ三粒鐘，無吹水，坐低就有得食，有專人 Serve你，鍾意食乜開句聲就得 o架?，雞翼魚蛋金沙骨，件件香噴噴，諗起都有?口水流呀！