又嚟哈囉喂之一：同骷髏頭影相 i-mode

話咁快又到十月尾，又係一年一次嘅哈囉喂，唔使問梗係要報畀大家知邊間吧最好玩啦！今日率先介紹銅鑼灣登龍街一帶，係呀，無聽錯，原來好多人知道大利行成幢被業主收番之後，都誤會連附近嘅永光都無晒酒吧，而且呢個謠傳仲誤導咗不少人，我家要同大家糾正番，好似 20樓嘅「 i-mode」咁，就一直都開檔無變過，都唔知咩人作得就作！

血色夜晚$58

嚟緊哈囉喂呢間吧仲十分積極， 30日同 31日都會有哈囉喂 Party，仲提早搞好晒佈置，務求氣氛 Very Good，我就至 Like個骷髏頭嘞，加埋當晚嘅化裝舞會，扮鬼扮馬，一定勁好玩，我就留定枱 o架嘞，事關提早訂枱可享每位減$20嘅優惠。至於 Walk-in價係男士$300，女士$250。講真，呢晚出得嚟玩價錢無所謂，最怕無位咋﹗
趁呢幾日嚟睇吓環境啱唔啱，費事到時至兩頭騰啦，反正酒水唔貴， Happy Hour一 Set啤酒$138， Normal就$228，買三送一；大酒$888，買二送一。平日任飲男士$200、女士$150； Weekend就男士$250、女士$200。