香港最強運動之二：女子桌球好嘢 Bar Pacific XX

昨日介紹過大圍一間靚場，今日繼續走吓呢區，結果發現，原來鄰近嘅沙田都有另一間 Bar Pacific，呢間係二十號舖，即係「 Bar Pacific XX」，比昨日講嗰間仲大，環境一樣無乜好彈，大投射加卡拉 OK台一樣有，梳化亦夠晒大張， L形大吧頭，甚至高枱都有埋，真係沙田區唔蒲佢都無乜邊間可以介紹！酒水方面，同系酒吧一樣，歡樂時光$20支，正價$30支，大酒$680一支，聖誕包場都係$8,888，有酒又有 Cake，有興趣自己嚟了解吓喇。



硬件一流，不過就無拳手，但靚女侍應就有兩個，阿儀同阿 Kit，問阿 Kit有無留意亞運？阿 Kit：「今屆港隊好似好勁吓，我自己就最欣賞女子桌球，估唔到團體可以奪得金牌，反而男仔無鬼用，仲話有傅家俊，我睇香港都係分配多啲資源畀女性運動員好過！」唔得，咁咪性別歧視。不過，今次一班女將又真係抵讚嘅！






■成班員工都好團結，仲要好好人！




■ Pacific Special
$58




■大投射加 K台，自問歌喉有水準先好上去呀！




■吧頭着住紅燈勁搶眼！




■沙田一等一大場環境絕不失禮。


（地址：沙田大涌橋路 34-36號麗豪酒店地下 6號舖）