香港最強運動之一：佩服單車選手

上星期日日睇新聞，都有香港隊喺亞運會攞牌嘅好消息，真係令人幾鼓勵吓，原來香港出色運動員都唔少，「 Bar Pacific XXIX」靚女 Anny話：「梗有啦，我最服係單車賽嗰個黃蘊瑤，勁炒車依然爬番起身繼續比賽，之後發現傷得幾重，嗰種毅力同耐力，的確令人佩服，香港單車隊好有希望！」睇新聞又真係幾感人吓，突然間又覺得香港又真係可以搞吓亞運會，就連 Anny都話有得諗吓！

■客人夠 Nice影相當然無問題啦！

■門口夠晒 Grand，入面都唔失禮。

同 Anny傾完偈，就梗係要介紹吓呢間酒吧啦，雖然位於大圍唔係旺區，不過酒吧環境一啲都唔 Hea，單睇大門已經夠晒吸引，尖沙嘴太子一帶啲酒吧都無佢咁靚仔。室內環境，有鏢機、有大投射，又有卡拉 OK，設備齊全，加上酒水價錢公道，歡樂時光$20支啤酒，正價$30支，大酒$680一支。咁靚嘅場，全包都係$8,888，平過出面啲上樓吧多多聲，所以嚟緊 12月搞 Party，絕對可以考慮吓。