香港最強運動之六：女子壁球水準高新鸚鵡吧

每逢酒吧星期五、六有 Function，我都鍾意同大家介紹吓，起碼大家睇完報紙知去邊先，好似今日星期六「新鸚鵡吧」就有靚女方珈悠表演，我咁八就梗係一早收到風啦，而且，原來搞手提供方珈悠同另一位歌手俾酒吧揀，酒吧就話聽聞方珈悠呢期夠 Sexy，一定可以俾到觀眾驚喜，於是諗都唔諗就揀方珈悠，所以，今晚個 Show一定唔會令人失望。記得早啲到飲多幾杯，因為仲會有遊戲同抽獎，睇吓自己有無運都好！

呢晚收費亦無特別貴，酒水仍然歡樂時光$20支，正價$32支，大酒買二送一，平日任飲男士$220、女士$150， Weekend自己上嚟先再傾，我就覺得 OK嘞，順便搵埋老友 Connie猜兩板，見佢一身制服誘惑，梗要同佢拍個照㖭！問佢最鍾意香港邊項運動， Connie就好快咁話：「梗係壁球啦，香港嘅女子壁球真係有世界級水準，而且近年成績一年比一年好，簡直為我哋香港女士爭光！」