「佢哋攞牌梗開心啦，特別係喺香港咁市儈嘅地方，邊個會覺得做運動員搵到食 o架？佢哋嗰份堅持真係值得一讚，如果佢哋嚟飲嘢嘅話，我請又點話！」
■老闆 Raymond（右）勁多老友撐佢場！
嘩！講到請飲酒咁豪，好彩呢度飲酒又的確唔係貴，歡樂時光都係$98一 Set啤酒，正價$168；大酒$780，買三送一。任飲星期一至日，男士$250、女士$200，價錢呢頭算最平，而且最近仲新入咗女士最啱飲嘅低卡路里啤酒，莫講話女士，怕大肚腩嘅男士都記得試吓。
環境方面，地方唔算大，不過勝在夠骨子，足球直播、卡拉 OK、鏢機、拳手樣樣有，更有露天吧枱，有興趣就自己落嚟了解吓，包你一次生，兩次就變主場！
■低卡路里啤酒，怕肥可以試吓。
■得閒可以掟吓鏢，成間吧都係高手，只怕輸唔起。
■門口有露天枱，呢個天氣最啱。
■地方唔大，不過吧頭就超靚。
（地址：尖沙嘴漆咸圍 1-3號多福大廈地下 A舖）
