我要選視帝視后之一：我撐醒哥 View8

平時 Happy Hour落酒吧，好多時都會發現啲員工喺度煲吓劇，話晒呢段時間客人唔算多，而且呢期啲節目又的確好睇，直頭有人約埋一班朋友早啲落吧睇劇兼飲平酒，好似「 View8」嘅靚女客人阿貓就係其中之一。佢平時飲嘢都會揀 Happy Hour時段，飲酒吹水之餘，又可以追吓電視劇，問佢有乜心水視帝視后？「仲使講，講戲就一定畀阿醒哥黎耀祥啦！另外，鄭則士都好好戲，睇《情越雙白線》時真係睇到我又笑又喊。不過，我估無綫點都係益番自己人，九成九係林峯囉，唔係下次飲酒我請！」一聽就知佢真係套套追睇嗰隻，不過，我估又無咁一面倒嘅，話晒志雲叔叔返咗嚟，未到最後都唔知結果 o架。

講番間吧，除咗睇電視之外，大家一定要試吓玩一部新鏢機，呢部機係由香港人設計，實在值得支持吓，無理由下下俾啲 o架仔機攞晒彩 o架！至於酒水收費，呢度主打任飲場，星期一、四男士$160、女士$80；星期日、二、三就男士$200、女士$150；星期五、六就貴番啲，男士$250、女士$200。不過，就有$50代用券畀你星期五、六用，所以，有 Coupon嘅話，其實又無貴到噃。另外，如果想搞生日 Party，湊夠 18位以上，酒吧仲送埋乳豬賀壽，呢期牛一嘅朋友不妨諗諗佢吖。