廿八蚊夠啲乜之六：好難賺 o架！ Moola+

「廿八蚊有多梗係儲起佢啦，我哋做侍應都好辛苦 o架，企足成晚，你估啲啤酒輕 o架，一 Set六支仲要有冰，一晚閒閒哋都攞十零二十轉啦，廿八蚊買支正骨水捽吓都唔夠啦！唔通真係想做成世侍應咩？」「 Moola+」侍應 Carman講。
聽佢咁講又真係有啲 Down，家最怕就係有工做都追唔到通脹，就算慳埋儲起入銀行，利息都無乜。所以，計我話，有錢索性使盡佢，今朝有酒今朝醉，促進經濟發展，好似呢日，我就約埋一大班朋友嚟呢度飲個痛快！
講真，呢間場不嬲都係我至愛，侍應夠靚女唔在講，環境仲要一絕，大梳化、卡拉 OK、 Online鏢機樣樣有齊，一定唔會悶。而且呢度走中高檔路線，客路斯文，靚仔靚女唔少 o架，就算酒水貴少少都抵畀啦。
Happy Hour每桶啤酒$114，正價$228；大酒每支$800， 3支$1,880；唔想咁煩逐支計，可以 Join任飲，價錢日日不同，不過飲得起嘅朋友，計落唔算貴。