去到門口嘞，嘩，真係俾佢嚇窒！使唔使咁大間呀？淨係落地玻璃都幾間舖位，門面夠晒 Grand；入到去，地方大唔在講，全場靚梳化亦唔使講，特別想講嘅係成間吧咁長嘅鏢機位，數吓都有十幾部，我睇全港最大鏢場非「 Bar Pacific XXXII」呢度莫屬。加上酒水唔貴無加價，歡樂時光一樣$20支啤酒，正價就$30支；大酒$680，去邊間都一樣咁公道。
■地方夠大，絕對係呢區新蒲點！
講到靚女咯喎，酒吧當然有拳手，不過新開張個個都好忙，就無謂搞住人，好在我老友 Tracy自動請纓，加上佢又係一個標準球迷，啱晒 Channel啦。「精采就梗係皇馬嗰場啦，雖然打成 1比 1，不過皇馬又中柱又中楣，睇到大家嘩嘩聲先精采；而且下場返主場，更加無得輸，必定好睇過奧斯卡！」聽佢咁講，真係要實幾多號踢， Book定枱同 Tracy一齊撐皇馬！
■吧頭夠靚仔，一個人嚟飲酒都讚。
■大投射睇 MV，一樣夠 High！
■一排鏢機，要你每部玩一鋪都天光啦！
■門面夠大，未入門已經俾佢吸引住！
（地址：屯門青山公路 169-181號錦興大廈地下 1-3舖）
