■呢度嘅夜景有幾靚？自己睇啦！
唔好心邪，我指嘅係一個醉人嘅夜景，事關酒吧位於 25樓，可以遠眺成個老尖夜景，上過嚟睇，你一定話好 Feel，飲酒都飲得爽啲。
■酒吧仲有飛鏢區，又多樣娛樂啦！
講到酒水，歡樂時光$128一 Set啤酒，正價$208；大酒$680。任飲方面，星期日至四，男$270、女$120；星期五男$280、女$160；星期六男$300、女$180。畀個提示大家，想睇最靚嘅夜景，就要晚上 8點至 10點，飲吓酒影相就最好 Feel。
講完酒吧，撞啱呢晚又有歐聯踢，梗係要上嚟飲酒兼睇波啦！講到睇歐聯，呢度氣氛一啲都唔差，不少熟客都係球迷，好似 Miki咁，識睇仲識講，「最好睇就梗係 AC米蘭對熱刺啦，估唔到熱刺一腳踢低 AC米蘭，相信下一 Round， AC米蘭作客要焗住攻，仲好睇！」
■地方夠大，氣氛亦非常好。
■有個小露台俾大家唞唞氣。
（地址：尖沙嘴山林道 7號漢國佐敦中心 25樓）
