另外，提多大家一件事，就係呢度 4月會搞歌唱比賽，有心 Show吓歌喉，飲酒之餘，可以八卦問吓點樣參加。記得上年總決賽仲有樂評人做評判，唱得好分分鐘做埋歌星都唔奇！不過就算係無心睇靚女或唱歌，嚟呢度飲酒解吓悶都不錯，靜靜地可以坐下層睇波掟鏢，想熱鬧上層卡拉 OK任唱唔嬲，至於酒水，歡樂時光$120一 Set啤酒，正價就$195，大酒$750。
■大時大節都有 DJ駐場打碟搞氣氛。
介紹完酒吧，都係時候搵靚女影相，有靚女拳手 Martha最叻大話骰， Polly最叻鬥地主，遇着佢哋，小心唔飲到嘔都飲到窮，問到兩位靚女點支持日本， Martha：「我會 keep住用日本化妝品。」 Polly：「最怕遲啲所有日本貨都入唔到口，所以我都係同日本祈禱，希望佢哋快啲無事就好！」
■唔想飲支裝啤酒，可以揀生啤，一樣有大把選擇。
■美女 Cosplay今晚最後，唔嚟就無得玩 o架喇！
■下層最啱掟吓飛鏢飲吓生啤。
■上層氣氛適合唱 K猜枚！
（地址：尖沙嘴赫德道 19-23號地下及 1樓）
