「我真係諗住過去 o架，聽人講，家櫻花開得最靚，而且家去日本，機票、酒店乜都平，過咗呢次機會可能又要捱貴價。最重要係，自己唔去東京或東北地區，應該無事嘅！」 Judy真係夠晒勇，但佢又講得幾啱，呢期去日本真係平到笑，唔驚的話，真係去得過。不過，我自己就去唔成嘞，都係留喺香港，飲吓 3月 11日前出產嘅日本啤，咁樣撐吓算嘞。
■精選特價小食，佐酒一流﹗
講到 Judy呢間主場，就以熟客居多，個個見面都攬頭攬頸嗰隻。 3月啱啱搞完飛鏢比賽， 4月就有啤酒商 Sponsor活動，至於搞乜？先賣個關子，不過就同派錢有關喎，屆時自己上嚟了解吓啦！呢度飲酒掟鏢睇波都一流，酒水唔貴，歡樂時光每支啤酒$20，正價$32支；大酒３支$1,888全包宴。想做任飲可以面議，人數夠自然價錢靚仔啦！
■環境暗暗哋，特別有劈酒 Feel。
■ Online鏢機絕對係現代化酒吧必備玩意﹗
（地址：尖沙嘴金馬倫道 42-44號華懋金馬倫中心 3樓）
