唔少朋友都向我投訴，家不少酒吧都轉晒型，特別係佐敦一帶，主打任飲但又無拳手提供，入到場三、四條友飲天光 Dry爆，仲話早知逐 Set嗌無咁傷！其實，就唔係話無，睇大家識唔識搵啫，我知柯士甸道就有間「 Corner Pub」，入面有拳手、有鏢掟、有 K唱、有足球直播，娛樂設備齊全，上得嚟玩一定唔會悶，就算一個人嚟一樣有個大吧頭俾你坐，同 Bartender吹水又好，或者搵朋友掟鏢都好，一晚時間好易過。酒水唔貴先要特別一提，歡樂時光就$128一 Set啤酒，正價就$158，大酒一支$800，買二送一，想任飲可以面議。
當然，酒吧靚女拳手多的是，呢個至係重點，好似今日俾我識到阿 Cat，問佢心目中巨星係何許人？阿 Cat：「我最鍾意就係當年 Beyond嘅家駒，就算家，每次聽到《海闊天空》都仲會諗起佢！」係呀，講起巨星真係要提吓佢，佢可以話係香港 Band壇靈魂人物，亦係值得我哋向佢致敬嘅巨星。好，一於同阿 Cat合唱番隻《海闊天空》，重溫吓昔日情懷先。
■吧頭旁設有鏢機啱晒！
■地方夠大，朋友多嘅，嚟呢度啱晒！
■ U形吧頭，中間又有大電視，最啱我呢啲一支公嘅人。
地址：佐敦柯士甸道 140-142號瑞信集團大廈 1字樓
