呢間場可以話係最多女士嘅 Clubbing場，無他嘅，酒吧設計夠高尚，環境比較暗但就一啲都無劈場 Feel，多部上牆大電視播住最新外國 MV，絕對係女士們理想 Clubbing場，所以男士嚟到記得斯文啲喇，若然見到靚女，不妨行去吧頭買支花送畀人，睇吓可唔可以識多個朋友囉。
另外，酒吧仲有一個特色，就係一個價錢玩晒兩個場，除咗喺 5樓 Clubbing，亦可以上 6樓「 We」掟吓 Online鏢機。做一個任飲，可以玩晒兩間酒吧，超值啦，特別係今日星期日，男士$200、女士$100，呢個水位去邊度搵？
■全場大梳化， Clubbing最啱。
介紹完酒吧，梗係要搵靚女影吓相啦，但呢度不設拳手，所以惟有搵靚女侍應 Yvonne拍硬檔影相，問到 Yvonne點樣支持日本，答案係：「 No啦，佢哋家啲輻射搞到全世界都係，個個都驚，要我撐佢我唔係好想囉，至少等搞番好間核電廠，再撐佢唔遲！」咁又唔係噃，就係搞唔掂至需要你撐吖嘛，做人應該互相幫助嘅，係咪？
■相架做電視框，果然有心思。
■招牌夠特別，客人自然記得你間吧。
（地址：尖沙嘴漆咸道 53-55號嘉芙中心 5樓）
