呢日就嚟到尖沙嘴「 Passion」玩，人頭湧湧，靚女客人仲唔少，芸芸靚女中我就搵到靚女熟客之一嘅 Miki。佢最初都好怕羞，求咗佢好耐先肯影相，不過影靚女又值得嘅。問 Miki心目中巨星係邊個？「哥哥張國榮係我心目中嘅巨星，無論佢唱歌、演戲都做得好好，每逢佢死忌，我都會播番佢啲歌嚟聽懷念吓佢。」我絕對同意 Miki嘅睇法，所以呢杯酒，我敬佢嘅﹗
■酒吧下午仲有泰式粉 麪，嚟食嘢一樣讚。
講完巨星，介紹吓呢間吧，呢度主打 Party Feel，以深色為主色，格局呈長方形，黑色皮梳化靠牆擺放，牆身用上閃石物料，在 Disco lighting的映照下份外耀眼。酒水方面，星期四係女士之夜，女士免費，男士$300任飲。至於 Happy Hour由晚上 7:00至 9:00，啤酒$120一 Set， Normal係啤酒$198；大酒一支$780。加上有好客拳手駐場跟大家猜枚助興，絕無冷場。
■ Ladies Night有 DJ助興，氣氛必定 High。
■酒吧人氣超旺，嚟飲酒記得早到。
（地址：尖沙嘴寶勒巷 10號 4樓）
