其實呢度地方都唔細，點解會咁塞？原來呢一晚佢哋搞咗個音樂會，請嚟樣靚身材正而又唱得嘅鄭融，同埋唔知點解啲女士一見佢哋就嘩鬼叫嘅 Mr，搞 Live mucis音樂派對，有咁強人馬，唔「塞人」就奇啦！好耐都無見啲酒吧搞啲咁一流嘅 Function，真係希望多啲酒吧都肯落多啲心思，搞番起成個酒吧業，所以話呢間吧又的確值得一撐。
■未開場台前已經塞滿人，夠晒爆！
雖然咁「塞人」，好彩我都搵到靚女拳手兼 Mr粉絲嘅嘉嘉同我影相，問嘉嘉邊位先係佢心目中巨星？「梗係 Mr啦，佢哋啲歌勁有 Heart，而且 Alan把聲又好聽，唱得好自然係巨星！」吓？但 Mr仲好後生。「哈，玩你咋！巨星就梗係梅姐梅艷芳啦！你問完未？問完我要趕入去搵靚位。」
Bye bye都未講，嘉嘉就閃咗人，但都唔怪得佢，個騷咁正，我都係快啲報埋酒水睇騷好過！歡樂時光$98一 Set啤酒，正價就$216；大酒軒尼詩就$980。簡簡單單講完， Let's go！ Live mucis！
■司儀仲有靚女吳嘉星
■鄭融以一曲《紅花會》拉開成晚序幕。
■開騷前大家飲杯先！
■鄭融同 Mr未唱歌前，當然要同 Fans傾吓偈先啦！
（地址：尖沙嘴漆咸圍 9-9A號地下）
