咁啱過開嚟荃灣，一於去「 Bar Pacific XIX」問吓靚女 KK先。「捉到啲醉駕唔好理佢有無發生交通意外，一於全部罰佢一世都唔准揸車，如果再犯就罰款 100萬，罰錢無得緩刑，咁就無得從輕發落，而且睇吓你班人有幾多 100萬，如果加埋舉報有 50萬獎金，咁就個個都係警察，仲有人敢醉駕我就唔信嘞！」 KK嘅提議真係好，而且相信大把人支持，舉報就有 50萬蚊，我第一個去維護社會安定。
不過，罰多多錢都換唔番條命，都係嗰句啦，酒同車，無得兩樣一齊嘆 o架。
■雖然遠少少喺荃灣，但酒吧一樣好氣氛。
不過，罰多多錢都換唔番條命，都係嗰句啦，酒同車，無得兩樣一齊嘆 o架。
講番間吧，我都係第一次嚟，同其他分店一樣，裝修大同小異，有大投射、大梳化、大吧頭。酒水方面， Happy hour啤酒就$20支， Normal就$30支；大酒$680，買三送一。想包場亦好抵玩， 50人以上$3,888套餐，有蛋糕一個、香檳一支，包埋啤酒、大酒、小食、 Soft drink、 Cocktail，咁多嘢，生日又好，公司聯歡又好，大家夾少少錢就可以玩餐飽，超值啦！
Cosmopolitan$65
■大投射可以話係呢條 Line嘅風格。
■$3,888包場套餐，真超值。
■門口有張街景位梳化，幾好 Feel o架！
（地址：荃灣聯仁街 12-26號石璧新村 F座 F8舖地下）
