醉駕罰乜好之一：罰佢洗廁所 M&M

酒精、司機、汽車呢三樣嘢，呢幾年可以話係最有關聯的組合，無計，香港人出名自私又夠窮，明知自己飲醉咗，但又死頂要揸車，最慘係又窮又無錢搭的士，害人害己，仲要有啲無品嘅，飲醉仲會出手打人，呢啲人一定要嚴懲吓佢先得。點罰好？梗係問吓吧頭一眾姊妹有乜好意見啦。

先問「 M&M」 Promoter阿 B先啦，「對付呢啲人，俾我就罰佢洗廁所，仲要日日要佢洗勻全香港、九龍嘅公廁！」公廁好掯啫？「就係要夠掯，家咁多緩刑，罰佢洗一年都可能變洗一日，又有幾奇；但係，即使要佢洗一日，都一生難忘啦，睇佢哋以後仲敢唔敢再犯？」聽落又真係幾有效，睇嚟就算我有潔癖，都一定會去公廁幫襯吓，等佢哋有嘢洗吓！


■大大個投射，播 MV、播波都咁受歡迎。


聽阿 B講完佢嘅意見，真係笑爆嘴，有咁好嘅 Promoter，難怪個場咁旺啦。當然間場本身環境唔差都好緊要，全場大梳化唔使講，唱 K有個大投射畀你睇住唱，幾正！ Weekend又有 Live band表演，拳手夠多唔使講。
酒水方面， Happy hour就$128， Normal hour係$198；大酒$730一支。任飲方面，平日男士$250、女士$200；星期五、六男$300，女$200，價錢唔算貴，最緊要好玩！



■全場大梳化，唔 Like可以坐長長嘅大吧頭。




■嚟呢度包場開 P，仲有小食送畀你 o架！


（地址：尖沙嘴漆咸道南 11-15號余仁生中心 2樓）