「我最支持就係阿仙奴，雖然好似無乜買人咁，不過法比仔唔過檔巴塞，更勝過買任何球星返嚟；之前講到俾巴塞買硬咁，好彩呢個隊長仲有番少少義氣唔走，你知啦，無咗佢，真係簽番 10個都無用。」咁又係，睇之前巴塞係咁逼人轉會，睇見就嬲，咁想要咪攞個美斯出嚟交換囉。
講完波，就梗係要講吓喺邊度睇英超開鑼，今次介紹嘅呢間吧當然係我至愛。佢正在分兩層，上層唱 K，下層睇波，河水不犯井水，而且地方大，又唔驚無位。酒水方面， Happy hour啤酒$120， Normal hour就$195；大酒$750，買三送一。平日任飲，男士$250、女士$150； Weekend就男$280，女$200，飲開唔使左計右計，飲環境都抵啦。而且，呢間場逢星期二、四都會有 Bikini之夜，靚靚 Bikini Girl坐埋嚟同你猜兩板，星期二就會喺灣仔分店，星期四就喺尖沙嘴，咁正嘅 Function，唔到又點得呀！
■鏢機又點會缺少呀！
■人多可以考慮開間 VIP房，夠晒大間。
■有靚女幫你斟生啤，杯酒都甜啲。
■上層唱 K猜枚，下層掟鏢、睇波，一定有樣啱你玩。
（地址：尖沙嘴赫德道 19-23號地舖及 1樓）
