Big 4爭隻腳之三：中場多部發電機最好 Bar Pacific VI

英超前哨戰車仔對曼聯上星期踢完，無論車仔嘅 Fans又好，曼聯嘅 Fans又好，大家對新一屆大軍係咪硬係覺得差少少呢！我自己就覺得曼聯硬係有問題，但又唔知點講好！「 Bar Pacific VI」嘅靚女侍應沅沅話：「係咪爭個進攻中場？」係呀！「我早就覺得有問題啦，睇勻成隊曼聯，勉強叫史高斯可以勝任，不過佢年紀咁大，點做發電機，睇吓阿仙奴有費比加斯、韋舒亞，又有艾朗藍斯、拿斯尼，個個都射、傳、分波都得，是但一個借畀曼聯都好好用！」
咁又唔可以咁講，曼聯打嘅係雙翼齊飛，中場主要做攔截，再畀兩隻翼落底線，有進攻中場，但作用不大，不過，中場年輕化又真係需要嘅。

講完波經，講番間吧，雖然位於深水埗偏少少， Weekend都一定爆硬，閒日亦一樣係越夜越精采。環境正，又有大投射唱 K歌，鏢機一定有，仲有大把拳手同你猜枚。
酒水價 Happy Hour一 Set啤酒$120， Normal就$180，買三 Set送一 Set；大酒$680，買三送一，嚟飲酒點都有着數，有時真係要走出油尖旺試吓新場嘅。