■見到咁索嘅啤酒女郎，真係未飲先醉。
■呢期啲靚女特別 Nice又玩得。
點解會咁，咪又係女作怪囉！皆因發現呢期囡囡質素特別好，講緊嘅正是赫德道嘅「 le.Boss」是也。
最近呢度入咗批新拳手，正面影響係，連客路都唔同晒，十居其九係新面孔斯文美女，又唔奇嘅，物以類聚吖嘛；奇就奇在，連啤酒女郎都有超班質素，有無吹水？解釋無謂，睇相最實際。
K房音響要讚
講番我 Big Brother公奇俊個 Party先，首先要講嘅就係收費，呢個場都算唔話得，我哋 13個人嚟幫襯玩任飲，老闆 Eric仔二話不說就豪間 VIP房畀我哋，男士任飲$280、女士$200，講真，呢個價去卡拉 OK Box都唔得，仲要係星期六晚喎！
如果唔鍾意 Join任飲，亦可以逐 Round Order杯杯清，每 Set啤酒$210，威士忌全天候$698一支，買三送一，全包宴，鍾意溝綠茶、梳打、薑水定齋水都得，任君選擇，唔使俾人限住晒，自由萬歲， Yeah！
第二樣嘢要讚嘅就係音響，老實嘞，廳面嘅 K質素就普通啲，原本都唔期望 VIP房會好得去邊，但竟然又令我喜出望外，音質同咪聲都絕對拍得住啲乜乜 K Box喎，而且又老實嘞，歌嘅選擇唔算多，希望老闆 Eric仔睇到，快快入番啲新歌畀我呢隻 K精唱啦！
■呢杯 Shooter幾多銀？老闆話飲完能夠行條直線， Free畀你又點話。
■咁高質素嘅啤酒女郎，真係好耐無見過喇。
■約埋三五知己嚟開 Party就最開心。
地址：尖沙嘴赫德道德裕中心 3樓
