話晒 5歲生日，當然要玩吓吹蠟燭啦，靚女同客人先互敬一杯，然後鬥快吹，最快一組為之勝出，一班靚女玩得投入，甚至不顧儀態。之後輪到競飲大賽，遊戲簡單，但氣氛熱烈。最後，當然唔少得大抽獎，雖然自己無運抽唔中，但係有咁好睇嘅靚女 Show，已經賺晒啦！
■五位 Jelly Girls係酒商特別請番嚟，賀一賀酒吧五周年嘛。
同場加映，搵靚女拳手 Hallie猜幾板，一排無見，靚女瘦咗又靚咗，問到佢醉駕點罰好，點知佢話：「罰啲人入青山啦！」咦，係咪高興得滯飲大咗呢？「你就飲大，我不知幾清醒。我咁講梗有理由啦，啲人飲大咗撞車又打人，拉佢就話自己精神有問題，咁咪啱囉，一於判入青山，真癲又好假癲又好，先評估後治療，好過罰錢或者坐監，最尾緩刑得個桔！」之但係，咁樣會增加醫療負擔噃，計我話，始終都係自律最緊要。
■ Raico玩得投入，但對手似乎好難集中精神噃。
■競飲都要做足安全措施。
■靚女們主動同客人玩吓 Mini Game。
■抽唔到獎，齋睇靚女都夠皮啦！
（地址：尖沙嘴漆咸道南 53-55號嘉芙中心 3樓）
