講開猜枚，不得不提經理華哥，佢直頭係女人湯圓，識落大把靚女 Friend，同佢 Friend，再 Friend帶 Friend，真係抄牌都抄到手軟。佢手枚又係勁喎，建議唔好同佢玩十五二十，一於玩大話骰啦，純講運，都仲有少少機會猜贏佢嘅。
講番間場，出晒名係太子區第一飛鏢場，高手雲集，自問未夠班就真係獻醜不如藏拙，坐埋一邊學嘢好過嘞。唔掟鏢，可以唱大堂 K，再唔係坐吧頭同 Bartender吹吹水，總之包唔會悶。酒水價，歡樂時光每桶啤酒$128，正價$188，大酒每支$680，抵飲無投訴嗰隻啦！
■一個人落嚟啤一啤，坐吧頭嘆電視都唔錯。
■ 18 Special（前）、 Nothing都係$68一杯。
■酒吧出名鏢機多，最近仲打通間房加多四部，一定夠玩啦！
■酒吧夠晒大，幾多人嚟玩都唔逼狹。
（地址：太子西洋菜街北 197-209園景大廈地下 A舖）
