酒水方面， Happy hour一 Set啤酒賣$120， Normal就$192；大酒$850，買二送一，即係$1,700有 3支，價錢中規中矩，不過一定比地舖平。
介紹完酒吧，就梗係睇吓有無靚女俾我影吓相先，拳手個個話有正職擰晒頭，好彩仲有一個人見人愛，車見車載嘅 Promoter Yeddy。講真，佢係我見咁多 Promoter之中最清純嘅一個，而且人又 Nice，問佢有乜心水愛隊？點知同我好夾喎！「我一定會支持曼聯，我由碧咸時代開始就捧曼聯，上年追唔到車仔我都傷心咗一星期，今年頭威頭勢，社區盾炒咗車仔一鑊出番啖氣，今年大部份原班人馬夾慣夾熟，一定仲厲害！」咪住，你話碧咸時代開始捧曼聯，咁你喺家幾歲呀？「幾歲梗係唔講你知啦，我細細個就跟 Daddy一齊睇波，所以咪識碧咸囉！」唏！我又唔係唔信你，睇你個樣都知十八廿二啦，我只係好奇問吓啫！
■大吧頭最啱兩個老友坐低吹吓水。
■有鏢掟之餘，旁邊仲有電視俾你睇波，唔怕 Miss咗入球啦！
■門口一樣裝潢豪華。
■酒吧多熟客，所以氣氛一定唔差，好少有冷場。
（地址：尖沙嘴寶勒巷 17-19號地庫）
