我愛o靚模之三：睇吓真人有幾勁 CD Bar

咁多人話 o靚模搞壞風氣，又唔俾佢哋去書展宣傳，查實我敢講，大把人講一套做一套，揸住本八卦雜誌係咁刨，仲一邊睇一笑淫淫。我就好同意「 CD Bar」嘅 Suki話齋，「人哋都係搵啖飯食啫，而且都帶畀我哋唔少娛樂吖，好似浸大 E神 Carol楊梓瑤，每次出場我都覺得好震撼，自己作為女仔都好好奇，有乜可能咁勁 o架！所以有機會都想睇吓真人，睇吓係咪上鏡咁誇張。」 E神堅定流我就唔知，不過， Suki咁靚女，絕對有資格做 Model就珍珠都無咁真嘞。

同 Suki傾完偈，搵靚位坐低聽歌先，呢度晚晚都有 Live Band表演，唔早啲坐定定就無位 o架嘞；而且早啲又可以上台唱 K，過吓唱 Live癮。環境方面，又有長長大吧頭，一支公嚟聽歌飲酒都唔會悶，人多就梗係坐大廳啦，雖然唔係梳化枱，不過，我覺得坐高枱仲更啱，因為有 Feel時即場可以跳番 Part舞，夠晒真性情。酒水方面， Happy Hour啤酒一支$35，買一送一； Normal Hour就$35，大酒$800，$1,800有三支，酒水唔算貴，又有靚歌聽，超值啦！