西甲鬥一番之五： C朗發威 Bar East

最近發現尖沙嘴有唔少酒吧都結業，睇見真係令人心傷，不過，又唔係全行全市都咁靜嘅，反而其他區份不知幾好景。好似土瓜灣嘅「 Bar East」咁，就喺新蒲崗開多咗間分店，叫「 Bar East II」。入到去，果然有新環境，裝修靚，最緊要係新酒吧已經有唔少客人，氣氛一啲都唔差。設備方面，時下最 Hit玩意嘅飛鏢機，就梗係有啦；另外，卡拉 OK新歌亦多，點歌仲有 Touch screen，唔怕點錯歌！
大家唔好以為新蒲崗嘅酒吧一定無靚女，呢度靚女拳手又有，靚女客人都有，好似 Annie咁，不過，靚女少睇波，問佢西甲係乜都唔知，好在仲有拳手 Yuko，原來佢係百分百 C朗迷，所以西甲一哥佢撐硬皇馬，「 C朗第一年嚟到皇馬就幫到球隊攞到第二，其實成績已經好好，始終踢波都要講默契，今年第二年，一定好好多，我睇巴塞今年無咁易攞冠軍。」我都希望 Yuko無講錯啦，反正有好波睇，無人會嫌多。
講完足球，係時候報埋酒水， Happy hour$120一 Set啤酒， Normal係$180；大酒$588，超抵飲！