西甲鬥一番之四：巴塞合拍勝皇馬新鸚鵡吧

上星期上「新鸚鵡吧」玩，老闆 B哥酒都未同我飲，就問我 9月 9日即係今日，得唔得閒，我問佢乜事，係咪 Call定靚女上嚟同我玩， B哥話：「靚女我間場幾時都有啦，嗰日係我哋酒吧一周年，想你嚟慶祝呀！」咁上嚟玩有無獎品先，「梗有大抽獎啦，會送出$1,500、$1,000旅遊現金券、金樽蓋同埋迷你雪櫃 o架。」嘩！聽落都幾吸引。

呢期又真係多咗唔少靚女撑場，芝仔長直髮斯斯文文，猜枚一啲唔弱； Eva樣子純純哋，飲酒夠豪氣。既然有靚女在場，梗係講吓佢哋點睇今年西甲啦！ Eva：「皇馬今年係就係加咗唔少猛人，不過，自己點都睇好巴塞。因為足球始終係 11個人踢，一定要團結，而巴塞唔使講呢方面一定掂，相反皇馬，粒粒巨星，當然想演身價啦，個個獨食又死扭，唔係話成績一定差，不過，點都係巴塞技高啲囉！」係咪技高就要睇過至知，所以今個星期記得搵 Eva一齊睇西甲。講完足球，又係時候報埋酒水， Happy Hour$20一支啤酒， Normal就$32支，大酒$1,888三支，任飲平日男士$220、女士$150， Weekend就男$280、女$200，呢間吧設備一流，卡拉 OK、鏢機、拳手樣樣有，絕對撐得過。