■見過咁省鏡嘅啤酒女郎未？
首先講場嘅格局，場中心係一個好大嘅吧頭，好多朋友都問：「點解咁浪費？唔整多幾張梳化做多幾枱客，反而搞個咁大嘅吧頭？」等我講吓有關酒吧嘅冷知識畀大家知啦。其實呢，法例規定一個娛樂場所總面積嘅三分一必須用作做 Service Area，所以咪有個咁大嘅吧頭囉。
而吧枱旁邊就有個迷你舞池同 DJ台，靠邊全部係闊落梳化位，最入就係獨立 VIP房，一貫 Clubbing通殺格局，即係跳舞客、唱 K客、蒲吧客全部照顧得到。
■後生女呢度多的是。
■玩得咁開心，受埋我玩得唔得呀？
■呢度有好多唔同 Style嘅靚女嚟 Hea，梗有一款啱你。
■呢個場客路真係好 OK。
抵飲香檳
至於呢個場有乜好玩？嗱，想交朋結友嘅，專攻星期二晚嘅 Ladies' Night，女士入場費全免，特別多靚女，而且個個扮到隻雀咁靚，真係去飲都未必執得咁四正。男士方面，既然有咁好嘅結識靚女機會，就一定要有所付出，所以每位入場明碼實價$320，合理水位啩。
不過，可能閒日真係唔方便 Hea到咁夜，咁揀星期六晚嚟玩亦一樣精采。查實，呢度逢星期一至星期六晚一律玩 Open Bar制度，即係全程一個價錢飲到尾，所以就算星期六蒲都唔會特別收貴啲，講緊嘅係由 18:00飲到 05:00，男士$320、女士$220，有本事飲足 11粒鐘，何止回本，分分鐘賺番啦！
值得一提嘅係呢度有「毛仔」香檳（ MOET）供應，三支優惠價$2,400，即係八嚿水就有一支咁高貴嘅香檳，中環賣緊千幾銀一支 o架，個人認為絕對飲得過。
■兩位 DJ，一個打碟一個 Rap歌，夠晒好 Feel。
地址：尖沙嘴金馬倫道 48號中國保險大廈 3樓
