講咗幾日馬諦氏威士忌，唔知大家有無落酒吧試吓呢？原來試威士忌都有幾個步驟，唔係就咁灌入口算數，今日就講吓點樣試威士忌啦！當然，我都係一知半解，所以搵咗靚女 Promoter阿 Mi嚟發言，「你問啱人嘞。嗱，外國人試威士忌，通常都會着重嗅覺，所以有時佢哋飲開話好嘅威士忌，亞洲人未必認同，而我哋馬諦氏威士忌，不但用嗅覺聞到香味，味覺亦會感受到強烈香味。至於點聞法呢？先準備一份酒同一份水，先聞酒嘅味道，然後，將水加入威士忌，再用嗅覺感受，比較吓。當然，如果嫌試得未夠，可以直情飲入口，但就唔好即刻吞咗就算，應該含喺口腔一陣，好似試紅酒咁，慢慢果味、甜味、麥味、煙熏味就會滲出嚟，而年份較高嘅酒，味道會更為突出。」
介紹完點品酒，當然都要搵個好環境嚟嘆啦，呢間「 Grand」絕對係好選擇，設計簡約，大廳梳化、高枱，最啱人少少嚟摸住酒杯底傾吓偈；人多可以開間 VIP房玩，大大間 20人都夠坐，猜枚唱 K一樂也。酒水 Happy Hour一 Set啤酒$120， Normal就$190，大酒$680。任飲平日男士$220、女士$150， Weekend男士$280、女士$220，位處銅鑼灣旺區，咁嘅價錢差唔多啦，至緊要飲到夜一夜都唔怕無車返屋企。
■ VIP房多多人都夠坐。
■ Online鏢機有兩部，即時對戰都可以。
■設計力求簡約，有齊高枱、梳化，坐得舒服。
（地址：銅鑼灣軒尼詩道 499號永光商業大廈 3樓）
