當然，入得酒吧就梗係要買酒啦，呢間場酒水唔貴， Happy hour就$128一桶， Normal係$188；大酒$680，買三送一，以呢頭嚟講，一定抵。
■老闆最愛以鏢會友。
講完酒吧又係時候教大家玩鳳凰機，今次搵嚟客人 Annie介紹。「呢部機有咁多 Mini-game，一時間都唔知介紹乜好，不如就介紹『升降機』啦。玩法好簡單，總共有 10個回合，單數回合係加分，雙數回合就係減分，最尾邊個最高分就係贏家。或者你都諗到一加一減，咁梗係分別掟 20 Triple同 1分啦，講就梗係容易囉，不過，真掟時梗有偏差，兩個分數喺正隔籬，隨時變加 1分、減 20分，所以，呢個 Game最啱玩嚟練準繩度！」
■單數回合加分，雙數減分，好易識玩！
■主打飛鏢，梗有靚鏢徽畀你揀啦！
■呢個場高手特別多，而且成日有比賽搞。
（地址：尖沙嘴科學館道 14號新文華中心 141-146號舖）
