咁索嘅靚女一出場，個個都爭住影相啦，加上成場靚女滿場飛，我亦唔執輸，幾大玩盡啲。結果，喺我努力下，識到又係同一日生日嘅 Yanky，佢成班姊妹個個都咁省鏡，今次發達啦，梗係要捉住佢哋影番張靚相先啦，順手問埋班靚女有無睇意甲。
■椋名凜到場打碟搞氣氛。
■爆到連吧頭都坐滿人。
Yanky：「呢度都有足球直播，間唔中都會睇吓波，都略略知邊隊打邊隊嘅。不過，意甲我就淨係知有國際米蘭，就估佢冠軍啦！」壽星女雖然唔係好識球隊，不過，生日大晒 o架嘛，希望靚女開口中啦！
講完靚女同足球，介紹番間吧，早前裝修過，環境比之前仲好，而且有個 Online鏢機專區，又多樣嘢玩。酒水價方面， Happy Hour$128， Normal Hour就$180，大酒$780一支。任飲平日男$250、女$180， Weekend就男$280、女$200，附近酒吧都係咁上下水位，無詐型啦！
■壽星女 Yanky（中）和兩位好友。
■玩 iDart梗係要埋手指機玩啦。
（地址：尖沙嘴亞士厘道 23至 25號亞士厘中心 10樓）
