酒吧潮飲葡萄適 Alert之四：簡單配搭 Gin酒 CD Bar

坊間有傳葡萄適 Alert有解酒功效，據我所知就絕無此事，而且呢幾日我日日都見到呢隻飲品嘅 Promoter，唔多唔少都八到啲。雖然唔可以解酒，不過，如果飲到中段飽飽哋啜番支，都可以極速提神嘅。

至於呢期酒吧又興點溝法呢？今日就問吓「 CD Bar」嘅靚仔 Bartender，「呢支嘢勝在味濃，所以溝烈酒就最好飲，好似溝 Gin酒，加片檸檬，簡簡單單已經好好飲！」咁簡單？等我都試吓先，咦，又幾好噃。

■酒吧內仲有大電視畀你睇吓直播。

講番呢間吧，除咗 Cocktail好飲之外，最大賣點係有 Live band，逢 Weekend都有會 Live music，而唱歌嘅靚女 Happy，正宗人靚聲更甜！飲住酒聽歌，一流享受啦！酒水價錢方面， Happy hour一 Set啤酒$98， Normal就$168；大酒$800，$1,800有三支，以銅鑼灣嚟講，絕對抵飲啦！