除咗硬件好，呢間場仲有個好叻嘅 Bartender哥哥，想飲乜嘢 Cocktail即管開聲，嗰日我就考吓佢，用葡萄適 Alert整杯雞尾酒。 Bartender哥哥先試咗一啖呢隻飲料，就即刻有靈感，唔通真係咁堅可以極速提神！兩下散手一杯靚靚 Cocktail已經擺喺我面前，我問吓係乜料啦，佢話：「呢杯除咗有你要嗰隻飲品，仲有利口酒同埋一啲烈酒，再加啲菠蘿汁！」咁靚仔，叫乜名先？「吓，仲未諗喎！不如，你試完之後幫佢改名啦！」味道點我唔講，總之好飲啦！想知係咩味，記得嚟到時試吓嘞。
最後報埋酒水， Happy Hour$198一 Set啤酒，買一送一喎； Normal就$198。大酒$880，買二送一。 Cocktail就$50起一杯，價錢唔算貴啦！
■鏢機呢度一樣有。
■ Blue Alert$50
■大廳有大投射，唱歌睇波都一流。
■門口有露天吧夠方便。
（地址：尖沙嘴棉登徑 22-26號地下）
