■呢個場都會 Join啤酒商搞騷。
■玩乜咁開心？美人做靶呀，陰功！
電話打去邊？正係老尖寶勒巷嗰間「 M& W Bar」。點解會揀呢間？事關佢符合晒「爸打」要求，夠晒多嘢玩！雖然呢個場班拳手非常搶手，平均等一粒鐘先等到拳手嚟陪你玩 15分鐘，但個個好玩又好枚，好嘢係值得等嘅！未有拳手埋位前搞乜？都唔會悶，因為呢度有個掟鏢 Zone，成班麻甩仔圍埋掟鏢、吹水、飲啤酒──爽！
大小 Party都咁 OK
■呢個場嘅拳手，飲得又玩得，得咗。
如果好似我咁唔識掟鏢，亦可以排隊上個巨型 K台唱番首飲歌，平均 15分鐘就有得唱， K歌亦算多選擇。
家秋風起，天氣凉浸浸最適合 BBQ，而且完全唔使山長水遠去到野外荒郊，蒲吧玩埋 BBQ，增進友誼，一舉幾得。呢個場有個超越無敵大露台，一邊享用燒烤美食，一邊欣賞尖沙嘴嘅夜景，最理想當然係即場搵番個靚女陪你飲酒，得唔得就睇閣下嘅功力喇！
價錢方面，晚上 6時至凌晨 4時食，包括牛扒、豬扒、雞扒、各式肉丸、紅腸、雞翼、貝殼類海鮮，以及任飲啤酒、汽水及 Cocktails，每位只是$330起， 15位起。其他酒類方面，啤酒 Happy Hour時段每 Set$120；芝華士$680一支， Buy 3 get 1 Free。最後要講嘅就係，呢度有 3間獨立 VIP K房，大嗰間可以容納 35-40人、細嗰間就 15-20人，搞大小 Party都咁 OK。價錢方面，兩間房嘅男女飲價都一樣，星期日至四：女士$180、男士$250；星期五、六及假期前夕：女士$200、男士$280，雖然飲嘅唔係 Black Label，但都已經去到 Red Label級數，飲得過喎！
■呢個場有成二千幾呎，夠晒寬敞。
■秋風送爽最適合 BBQ，呢度露天位好舒服 o架。
地址：尖沙嘴寶勒巷萬事昌廣場 5樓
