酒吧潮飲葡萄適 Alert之七：溝紅酒甜甜哋菲力吧

其實葡萄適 Alert除咗溝酒外，仲有個用途，就係如果飲咗成晚，第二日仲要返工，唔想俾老細鬧，記得問 Promoter要多一支，等第日開工前飲，包你極速提神。
講番今期題目，我就搵嚟灣仔「菲力吧」嘅 Bartender介紹，「吓，我真係未試過，你突然咁問，我都唔知點答你，咁啦，我有支紅酒，不如溝出嚟一齊試吓得唔得啦！」吓，一齊做白老鼠，不過，葡萄適 Alert都唔算難飲，我諗溝紅酒都唔會難飲啩！一試又的確叮咗一聲，紅酒酸味少咗之餘，仲多咗份葡萄適嘅甜味。唔信？今晚大家嚟試吓囉。
講完溝酒，梗係要介紹吓呢間吧。講真，我都係第一次嚟，唔同尖沙嘴一帶嘅酒吧，呢度感覺 Warm啲，十足十每張枱嘅客人都係呢度熟客，個個都有講有笑，絕對有家的感覺。酒水方面， Happy Hour一 Set啤酒$118， Normal就$168，灣仔區嚟講，如此價錢一定算平啦！