相信大家落酒吧同朋友飲酒，唔多唔少總試過飲到啤啤夫，當晚都醉到無知覺就梗係唔識辛苦啦，不過第二日一覺醒來，嗰種五內翻亂嘅感覺，先至難頂！有乜計？其實，個個人體質唔同，無話一個方法個個都有效，但聽多啲人講睇吓邊個方法最啱自己都好。先嚟問吓「 In Bar」嘅靚女 Promoter Cobby先，「我同朋友出嚟玩絕對唔會俾自己飲醉嘅喎，你知啦，女仔飲醉好危險 o架嘛。不過有時飲多少少，第日又真係好辛苦嘅，所以我會飲葡萄適 Alert，呢支嘢喺第二朝瞓醒飲啱晒，既提神又可以消除不適感覺，唔信畀幾支你，你今晚如果飲到嘔，聽日試吓啦！」嘩！多謝晒喎，我都唔知笑好定嬲你好，咁快咒我嘔！
放大圖片
■門口有機械人，記得影相留念！
不過，靚女講笑又嬲唔落，所以都係轉個話題，講番間酒吧好過，呢度環境幾特別，中間有個四方形大吧頭可以圍住坐，而側邊兩旁就係梳化枱，最特別係吧頭每一座位都會有獨立電視仔畀你，果真夠細心抵讚。酒水方面，歡樂時光就$20支啤酒，正價時段就$168一 Set，絕對撐得過。
放大圖片
■葡萄適 Alert溝酒得，第二日用嚟補充番體力都得。
放大圖片
■$20支啤酒一定抵飲啦！
放大圖片
■四邊梳化枱適合大班朋友坐。
放大圖片
■吧頭有獨立電視，正！
（地址：灣仔謝斐道 391號地下）
