另外，酒水都唔貴， Happy hour一 Set啤酒$98， Normal就$180；大酒$680，買二送一。任飲方面，平日男士$200，女士$150； Weekend就男士$250、女士$200。最緊要有拳手同你猜兩板，家好少酒吧仲行拳手制，值得支持吓。
問靚女阿雪係咪好飲得？「梗係唔係啦，就算打定牛油底都會醉！」咁又係，始終都係女子一個，咁飲醉咗，第二日咪勁辛苦？「仲使問？不過我會飲支益力多，雖然唔知係咪真係有效，但我就覺得 OK，飲完個胃都會舒服啲，而且仲可以調理番腸胃。你知啦，飲得多好傷 o架嘛，好易搞到腸胃出問題，最好嘅方法，當然就係唔好飲咁多酒啦！」
■上樓吧好少有大吧頭，但呢度例外。
■全場大梳化，環境有保證。
■有鏢機之餘，仲有鏢櫃畀你放鏢。
（地址：尖沙嘴山林道 21號永勝商業中心 2樓）
