■呢度啲拳手個個都好好笑容。
■啤酒妹妹笑到咁 Sweet，點捨得唔搵你 Order番幾 set啤呀！
講真，呢度啲拳手雖然就唔係話靚到啪啪聲，但大部份都叫端莊四正， Main Point係唔賴酒，飲多多都唔怕嗰隻，所以在下喺度順帶呼籲吓大家，如果酒量真係唔多得的話，記得講說話要謙虛啲，免得淪為被劈對象，咁就真係「 law璃 gin」咯！
值得一提嘅係有個拳手叫 Co Co，講真，全場連埋女性客人都係佢最索，但衰在阿靚 Co Co鬼咁怕醜，任我講到牙血都出埋，係唔影相就唔影相，好，我就最欣賞佢貫徹始終嘅性格，如果各位想知道阿靚 Co Co索成乜嘢地步？咁就點都要去佢個場劈番轉，有貨不對辦的話，歡迎閣下寫信嚟插我。
一個價錢飲天光
其實除咗拳手之外，呢個場仲有好多嘢好玩，例如電子鏢機、卡拉 OK同足球直播，男人最鍾意嘅元素都有齊，難怪呢度長期 Keep住八成以上的入座率。價錢方面，威士忌$1,500三支，呢個價錢都算係老尖新低價，而啤酒 Happy Hour一 Set$120就有交易， Normal就輕輕加多幾條草$180一 Set。如果唔想咁煩，不如好似我咁 Join飲，星期一至四男士$200、女士$150；星期五、六及假期前夕就男士$250、女士$180，一個價錢飲到凌晨五點拉閘鐘數，方便又好計，大家不妨考慮吓。
■我聽政府勸喻睇波唔賭波，轉賭着火 Shooter仲刺激。
■唔好睇佢個樣咁 Nice，其實又係辣妹一名，我講佢啲枚辣呀！
■呢度個鏢機 Zone都 OK，起碼唔會有人喺機前騰來騰去。
■呢個場長期 Keep住八成以上入座率，氣氛一流。
一個價錢飲天光
其實除咗拳手之外，呢個場仲有好多嘢好玩，例如電子鏢機、卡拉 OK同足球直播，男人最鍾意嘅元素都有齊，難怪呢度長期 Keep住八成以上的入座率。價錢方面，威士忌$1,500三支，呢個價錢都算係老尖新低價，而啤酒 Happy Hour一 Set$120就有交易， Normal就輕輕加多幾條草$180一 Set。如果唔想咁煩，不如好似我咁 Join任飲，星期一至四男士$200、女士$150；星期五、六及假期前夕就男士$250、女士$180，一個價錢飲到凌晨五點拉閘鐘數，方便又好計，大家不妨考慮吓。
地址：尖沙嘴山林道 21號永勝商業中心 7樓
