怕飲唔晒， Order一支都有特價，不過，老闆就話實價唔好講，費事俾同行知道抄佢喎。總之，佢嘅酒水真係好平，仲平過太子嗰邊，呢樣又不得不撐佢嘅。最難得係環境一啲都唔失禮，最近仲要嚟個小翻新，大廳換晒靚梳化；至於大吧頭，風格仍然保留，配合兩邊鏢機，我唔識掟鏢都想試吓玩。另外，又有多間 VIP房，想玩得私人啲、放啲都得。
呢度雖然無拳手招呼，但一樣有靚女，好似 Promoter Zebrina正係一例，講到 Sell酒，真係唔夠佢嚟。撐咗佢一、二 Set之後，乘機問佢點睇歐聯賽事，估唔到靚女又識搭嘴喎。「根據我嘅分析，我支持嘅曼聯會喺 16強先對巴塞， 8強再對國米， 4強對車仔，決賽就會對皇馬，場場硬仗，不過場場都贏晒對手，最後成為真正最強！完美唔完美？」嘩，咁嘅戲碼，作為球迷就一定完美啦！我都好想你夢想成真，一於下次歐聯約埋你一齊睇波！
■大吧頭一支公最啱坐。
■酒水明碼實價無呃人！
■鏢機，酒吧必有配套！
■酒吧最近新裝修過，感覺唔同晒！
（地址：尖沙嘴柯士甸道 140-142號瑞信集團大廈 1字樓）
