180度維港景　落吧睇煙花 Bar Bravo

唔知點解呢期我班 friends好鍾意玩埋啲遊客活動，例如吼正假期先山長水遠去南丫島食海鮮，又例如國慶夜吹雞出 Causeway Bay睇煙火，好在我哋最近發現個靚私竇，可以一邊 drink一邊欣賞 180度海景煙花，咁至唔使喺海皮企成晚咋。

■香港嘅天氣真好，秋天都咁熱，如果唔係我哋邊有咁好眼福。

■呢個場好多咪霸，好在班靚女歌喉尚算 OK。

講緊嘅就係今日要介紹嘅「 Bar Bravo」嘞。酒吧位置正正喺商廈區，所以特別多 OL客，大家睇相都應該睇得出，呢班係如假包換的寫字樓女郎，玩法又同一般嘅劈場酒吧有所不同，呢度興一邊玩一邊培養感情，講得白一點：玩慢熱，所以大家唔好咁猴急，練多幾隻合唱 K歌，咁先有藉口撩人一齊玩嘛！

最 in鏢機有兩部

■成個場都係好 Kawaii嘅女仔，睇見都滿心歡喜。

講開唱 K，呢度啲 K歌都算係咁，連 Mr.冷門到痹嘅《想太多》都有，真係令我極之感動，而且音響亦唔錯，搞到班靚靚 OL不停咁唱，國慶當晚阿 G.E.M首《 A.I.N.Y》我最少聽咗七次，音響絕對 OK，之但係班靚女唱啲咁高難度嘅歌……老實講，效果真係唔多好，不過睇在靚女份上，我就原諒佢哋啦！
呢間酒吧地方唔大，但都有兩部最 in嘅 DARTSLIVE2網絡連線飛鏢機，呢部日本超人氣嘅網絡連線飛鏢機，喺香港仲未係太 hit，所以唔係咁多地方有得玩，物以罕為貴，難怪成晚部鏢機都未得閒過。

環境正酒價平
價錢方面，我覺得 OK喎，好似國慶嗰晚，我哋一行 8人，全程散叫 Black Label，埋單每人$240，仲有錢找！呢個價錢，我絕對無投訴！就以啤酒為例，每 set都係$168就有交易，比老尖起碼平成三條草。另外，可能話晒都係港島區，唔少客人都鍾意飲 Cocktail，大部份都係$41一杯，比老蘭最少平成三分一，但論環境，呢度點都正好多啦！
最後，我想讚一樣嘢。出開嚟蒲嘅朋友都知，凡係嗰啲開滿酒吧嘅乜乜商廈最多都係得兩部，有時等都等到火滾，呢度就無呢個問題，上上落落暢通無阻，抵讚！