歐聯我最勁之三：皇馬有冠軍教練 Bonus

早幾日落去「 Bonus」飲嘢，諗住撐吓場之餘，順便索吓出面發生啲乜事，一個月內點解會有咁多酒吧 Bye-bye，原來都係因為租金害事，事關咁嘅市道仍然不停喊加租，邊有可能有人租，咁鍾意加，留番嚟俾業主養吓遊魂野鬼好過！眼見「 Bonus」呢度都有番咁上下生意，都不得不讚吓 Raymond人面廣多人撐，最正嘅係酒水夠平， Happy Hour一 Set啤酒$98咋！呢個「咋」字真係要加重語氣。 Normal Hour亦只係$168，淨係呢兩個價尖沙嘴都好少有。大酒$780，亦唔貴，咁嘅價錢，大家嚟飲多杯支持吓啦。

■唔猜枚， Cherry掟鏢都有一手 o架！

呢度有拳手駐場同你猜兩板都唔錯，雖然小妹 Cherry睇個樣都知唔係好飲得，不過，就勝在肯輸唔賴酒，咁老實就梗係放過佢，俾佢唞吓氣先問佢有乜心水愛隊，佢回一回氣就話：「歐聯就梗係皇馬啦，佢大把人腳，個個都咁堅，對邊隊都無得輸，而且，仲有摩連奴教，佢嘅經驗已經帶畀球隊七成勝利先啦，加埋球員，就梗係穩操勝券啦！」估唔到 Cherry仲幾清醒吓，仲識講摩連奴呢個名，未醉就即係可以繼續猜啦！