■靚女掟鏢一樣得，唔信可以嚟挑戰！
■矮枱加軟綿綿梳化，好舒服。
Zita生鬼又 Nice，影相都好合作，波經亦講得，以下係佢對歐聯嘅睇法：「我就話熱刺有機會嘞！」吓，巴塞、皇馬、曼聯、車仔、國米都唔揀揀熱刺！「唔使咁出奇喎，其實熱刺都唔係想像中咁渣啫；而且，睇番呢幾年，總有啲法甲殺入直路，點解呀？咪因為俾人睇小，反而爭氣咯。其實，隊波無咁大壓力，發揮自然好，加上熱刺都可以算係盃賽專家，入決賽都唔係無可能！」
有無可能我就唔知，不過，我都想佢有機會入到決賽，話晒英超可以話係全球最受歡迎嘅聯賽。講完波，又係時候 update吓啲酒水， Happy Hour一 Set啤酒$114， Normal就$198，大酒$780一支，$1,800三支，任飲平日男士$220、女士$150， Weekend男士$280、女士$220，兩三嚿水可以飲天光，抵啦！
■正牌大酒場，睇咁多人留酒就知無呃你！
■飲 Cocktail一樣有齊料溝俾你！
地址：尖沙嘴山林道 29-31號地下
