至於男士，由於呢間場格調高，亦特別多人開大酒飲，睇見一個酒櫃放滿存酒就知。酒水點計呢？歡樂時光$128一 Set啤酒，正價就$228；大酒$888，買二送一。星期三女士免費，男士$300；星期五、六及假前有任飲，男$280、女$250。價錢同環境屬正比，想玩得高級啲，就梗要付出多少少啦！
但如果你個袋得廿八蚊，咁就唔好咁博喇，靚女 Promoter Tinky：「唉！廿八蚊搭通宵吧都係差唔多咋，就算有剩都唔夠拮串魚蛋，所以你話最低工資廿八蚊係咪足夠？我就話唔夠囉！」唔夠就梗 o架啦，不過，最主要都係物價太貴啫，廿八蚊又真係想食好啲都唔得！
■全場大梳化，仲有大投射，設施無得彈！
■燈光閃閃嘅大吧頭，特別受女士歡迎。
■吧頭有不少酒類，整 Cocktail夠晒多選擇。
（地址：尖沙嘴諾士佛臺 1號 6樓）
