廿八蚊夠啲乜之二：食餐飽飯都唔得 Cycle

「 Cycle」靚女阿 Kar笑笑口話：「廿八蚊，喺尖沙嘴食個叉燒飯都唔得啦。」咁又係呀，尖沙嘴啲茶餐廳一啲都唔平，三條草都唔夠，慳慳哋食個下午茶餐仲要唔加凍飲，或者都可能夠畀嘅。「你就想嘞，廿八蚊想食得飽根本無可能，頂盡可以去寶勒巷街頭間小食店，夠買幾串魚蛋牛雜頂肚。」聽佢咁講真係令人心酸，做成個鐘都無飽飯食，廿八蚊合唔合理，大家心中有數啦。

■有長吧頭， Join任飲可以行埋嚟 Order cocktail。

我同阿 Kar都覺得「 Cycle」勁有 Clubbing feel，偏黑環境加 Laser射燈，再播強勁音樂，氣氛都幾好吓。呢間場唔玩拳手制，主打女士 Clubbing路線，所以不乏靚女客人蒲頭。酒水方面，歡樂時光每桶啤酒$108，正價$198；大酒$600，平日買二送一， Weekend買三送一。任飲方面，星期一、二、四，男士$200、女士$100；星期三女士之夜，男士$250，女士免費；星期五男$250、女$100；星期六男$280、女$200；星期日男$180、女$80。
睇個價好似幾複雜吓，但複雜唔緊要，最緊要慳錢，平日女仔 Join任飲一嚿水，真係抵到爆，想約女仔放工 Happy hour？識揀啦。